“İlin əvvəlindən Poqbaya görə mənə 2 mindən çox zəng gəlib”

Məşhur menecer Mino Rayola “Yuventus”un üzvü Pol Poqbanın transferi haqda danışıb. Futbolxeber.az-ın məlumatına görə, Rayola gənc ulduzun Turin klubunu tərk edəcəyini istisna etməyib: “Biz “Yuventus”la 5 illik müqavilə imzaladıq. Lakin hamımız gözəl başa düşürük ki, sərfəli təklif olsa Poqba klubunu dəyişə bilər. “Yuventus” üçün əsas məsələ Poqbanın satışından əldə olunacaq pulu necə sərf etməkdir. Həmin məbləğ düzgün xərclənməlidir. əks halda, Poqbanın satışı səhv addım kimi qiymətləndiriləcək. Onunla bir çox klublar maraqlanır. İlin əvvəlindən Poqbaya görə mənə 2 mindən çox zəng gəlib. Gün ərzində 20 zəng gəlir və ondan minimum ikisi keçidlə bağlı danışıq aparmaq istəyənlərdi. Amma ortada konkret heç nə yoxdur”.