“Fənərbaxça” “Qarabağ”la oyunda “fərqlənən” futbolçunu transfer etmək istəyir

“Fənərbaxça”nın növbəti transfer hədəfi bəlli olub. Futbolxeber.az-ın məlumatına görə, İstanbul təmsilçisi Ukrayna millisinin və “Dnepr”in üzvü Yevgeni Konoplyankanı heyətinə qatmaq istəyir. Konoplyankanın hazırki klubu ilə müqaviləsi cari mövsümün sonunda başa çatır. “Fənərbaxça” da futbolçunu elə azad agent kimi heyətinə qatmaq istəyir.

Qeyd edək ki, Yevgeni Konoplyanka cari mövsümdə Avroliqada “Dnepr”in heyətində 2 dəfə “Qarabağ”a qarşı oynayıb. Hər iki görüşü əvəzolunmadan keçirən futbolçu Kiyevdə baş tutan ilk oyunun 59-cu dəqiqəsində sarı vərəqə ilə cəzalanmışdı.