Aqollinin baş məşqçisi: “Ermənilər üzərində tarixi qələbə qazandıq”

Albaniya millisinin baş məşqçisi Canni de Byazi Avro-2016-nın seçmə mərhələsi çərçivəsində Ermənistanı 2:1 hesabı ilə məğlub etdikləri oyun haqda danışıb. Futbolxeber.az-ın məlumatına görə, italiyalı mütəxəssis tarixi qələbə qazandıqlarını bildirib: “Albaniya millisi Ermənistan üzərində tarixi qələbə qazandı. Bu, karyeramdakı ən vacib qələbədir. Oyun ərzində əla iş gördük. Ermənilər yalnız 1 dəfə qapımıza doğru gəlib, qol vurdular. Oyunun qalan bölümündə diqtə edən tərəf biz idik. Fasilədə futbolçulara dedim ki, ruhdan düşmək olmaz. Bizim qələbə qazanmaq şansımız var. Oyunçularım da özlərinə güvənirdilər. Yekunda istədiyimizə nail olduq. Dediyim ki, Ermənistanla oyun karyeramdakı ən mühüm matç idi”.

Qeyd edək ki, sözügedən oyunda “Qarabağ”ın müdafiəçisi Ansi Aqolli də 90 dəqiqə meydanda olub.