Ançelotti keçmişə boylandı: “Finalda o cür məğlub olmuşduqsa, revanş üçün şans qazanmalıydıq"”

“Real”ın baş məşqçisi Karlo Ançelotti “Liverpul”un kapitanı Stiven Cerrarda simpatiyasından söz açıb. Futbolxeber.az-ın məlumatına görə, italiyalı mütəxəssis Cerrardı bir neçə il əvvəl sərəncamında görmək istədiyini bildirib: “Stiven Cerrardla fəxr edirəm. “Milan”da çalışarkən onu transfer etmək istəsək də, bu, mümkünsüz idi. 2005-ci ildə ÇL-in finalında “Liverpul”a uduzduqdan 2 il sonra qisasımızı aldıq. Bu, inanılmaz idi. Hələ yarımfinalda “Liverpul”un “Çelsi”ni məğlub etməsini istəyirdim. “Liverpul”la finalda qarşılaşmağı çox arzulayırdım. Həyatda qismətə inanıram. Finalda o cür məğlub olmuşduqsa, revanş üçün şans qazanmalıydıq".