Xavi: “Barselona” çempionluq mübarizəsində favorit deyil”

“Barselona”nın yarımmüdafiəçisi Xavi Ernandes La Liqanın 22-ci turu çərçivəsində “Atletik”i məğlub etdikləri (5:2) oyun haqda danışıb. Futbolxeber.az-ın məlumatına görə, Xavi Kataloniya klubunun yaxşı formada olduğunu qeyd edib: “Fikrimcə, biz əla oyun keçirdik. Komandamız hazırda yaxşı formadadı və belə də davam etməliyik. “Atletik”ə qarşı oyundan zövq aldıq. Amma “Barselona” çempionluq mübarizəsində favorit deyil. Buna hələ çox var. Bununla belə, komanda özünə güvənir”.

Qeyd edək ki, 22 turdan sonra lider “Real”dan 1 xal geri qalan “Barselona”, üçüncü pillədə qərarlaşan “Atletiko”nu 3 xal qabaqlayır.