“Ançelotti “Real”a Maurinyodan daha çox uyğun gəlir”

Rusiya milli komandasının baş məşqçisi Fabio Kapello “Real”ı çalışdıran həmyerlisi Karlo Ançelotti haqda danışıb. Futbolxeber.az-ın məlumatına görə, italiyalı mütəxəssis Ançelottinin “Kral klubu”na Joze Maurinyodan daha çox uyğun gəldiyini bildirib:  “Uzunmüddətli perspektivi ilə Ançelotti “Real”a daha uyğundur. Karlo komandanın bir hissəsidir. Halbuki Maurinyo bir çoxlarına qarşı gedirdi. Joze bütün hadisələrin içində olmağı sevir. Lakin Ançelotti belə deyil”.

“İlin ən yaxşı məşqçisi adını kim qazanmalıdır” sualını Kapello belə cavablandırıb: “Ya Ançelotti, ya da Simeone. Argentinalı “Atletiko”da böyük işlər görüb. Onun komandası La Liqanın qalibi olub. Üstəlik, “Atletiko” 91-ci dəqiqəyə kimi Çempionlar Liqasının qalibi idi”.