Terim Melo ilə bağlı qərarını açıqladı

"Qalatasaray"ın baş məşqçisi Fatih Terim komandanın üzvü Felipo Melo ilə bağlı qərarını açıqlayıb. Futbolxeber.az-ın məlumatına görə, "İmperator" qarşıdakı mövsümdə də braziliyalı futbolçunun xidmətində maraqlı olduğunu qeyd edib. Bundan sonra klub rəhbərliyi hərəkətə keçib. "Qalatasaray" rəsmilərinin qarşıdakı günlərdə "Yuventus"un nümayəndələri ilə görüşəcəklər. "Cim-Bom" Melonunun transfer hüququna yiyələnmək üçün qarşı tərəf 3-3,5 milyon avro təklif etməyi planlaşdırır. Əgər, Turin klubu bu təklifi qəbul etməsə, o zaman "Qalatasaray" ardıcıl üçün il Melonu icarəyə götürəcək.

Qeyd edək ki, Melonun "Yuventus"la hazırki müqaviləsi 2015-ci ilin 30 iyununa kimidir. Turin klubunun baş məşqçisi Antonio Konte bir müddət əvvəl verdiyi açıqlamada 29 yaşlı futbolçunun xidmətində maraqlı olmadığını bəyan etmişdi. Bu səbəbdən də "Yuventus"un Melo ilə bağlı "Qalatasaray"la ortaq məxrəcə gələcəyi gözlənilir.