Götse finalda oynayacaqmı?

"Real"la cavab oyununda zədələnərək, meydanı vaxtından əvvəl tərk edən Mario Götse yenidən həkim müayinəsindən keçib. Futbolxeber.az-ın məlumatına görə, bu haqda Dortmund klubunun rəsmi saytı məlumat yayıb. Məlumatda futbolçunun durumunu ciddi olduğu bildirilir. Lakin klubun həkimi Markus Braun bəyan edib ki, 20 yaşlı futbolçunun durumu hər nə qədər çətin olsa da, o final görüşünə kimi tam bərpa olacaq.

Xatırladaq ki, "Borussiya" və "Bavariya" arasındakı final matçı mayın 25-də məşhur "Uembli" stadionunda baş tutacaq.