Kriştianu Ronaldo: “Qızıl top”a görə narahat deyiləm”

“Mövsümün əvvəli mənim üçün çox yaxşı alındı. İndi heç vaxt olmadığı kimi əla formadayam”. Futbolxeber.az-ın məlumatına görə, bu sözləri Portuqaliya millisinin üzvü Kriştianu Ronaldo deyib.

Portuqaliyalı futbolçu mövsümün hələ uzun olduğunu bildirib: “Uğurlu çıxışa görə arxayınlaşmaq fikrində deyiləm. Qarşıda məni uzun mövsüm gözləyir. Çempionlar Liqası, La Liqa, milli komanda - bir sözlə, bütün bunlar uğrunda mübarizə aparmaq lazımdı”.

Ronaldo “Qızıl top” haqda da fikirlərinin açıqlayıb: “Mənim məqsədim ilk “üçlük”də olmaqdı. Odur ki, “Qızıl top”a görə narahat deyiləm. Kapitan və baş məşqçilərin səs vermək üçün vaxtı var. Mən bu mükafatı qazanmaq istəyirəm. Lakin hər şey məndən asılıdır”.