Arda Turan “Yuventus”un seriyasını qırdı

Çempionlar Liqasının qrup mərhələsinin ikinci turunda “Yuventus” səfərdə “Atletiko”ya 0:1 hesabı ilə uduzub. Futbolxeber.az-ın məlumatına görə, 75-ci dəqiqədə Arda Turanın vurduğu qol sayəsində “Yuventus”un seriyası qırılıb. Belə ki, bu, “Qoca Sinyora”nın 2014/15 mövsümündə qapısında gördüyü ilk qoldur. Buna kimi komanda keçirdiyi 6 oyunun heç birində qapısında qol görməmişdi.

Qeyd edək ki, Madriddəki matça qədər Turin təmsilçisi “A” seriyasında “Kyevo”nu (1:0), “Udineze”ni (2:0), “Milan”ı (1:0), “Çezena”nı (3:0), “Atalanta”nı (3:0), Çempionlar Liqasında isə “Malmö”nü (2:0) hesabı ilə üstələmişdi.