Maurinyo Qvardiolayla mübahisə etdi

Nyonda UEFA-nın elit məşqçilərinin görüşündə “Çelsi”nin baş məşqçisi Joze Maurinyo ilə “Bavariya”lı həmkarı Xosep Qvardiola arasında mübahisə yaranıb. Futbolxeber.az-ın məlumatına görə, fikir mübadiləsi aparılan zaman Qvardiola bildirib ki, ot örtüyünün hündürlüyünü 3 sm-dən 1,5-ə endirmək daha yaxşı olardı. Həmçinin də qazonu oyundan öncə birbaşa sulamaq lazımdır. Bu halda, oyunçular meydanda daha sürətlə hərəkət edərlər və futbol daha baxımlı alınar. Maurinyo isə buna qarşı çıxaraq qeyd edib ki, hər oyunçunun öz oyun tərzi var və buna hörmət etmək lazımdır. “Baxımlı futbol anlayışı” hər kəs üçün eyni deyil.

Qvardiola da öz növbəsində portuqaliyalının sözlərini cavabsız qoymayıb. “Futbolun baxımlılığı məşqçilərdən asılıdır. Görünür, Maurinyo üçün əsas olan nəticədir” - deyə, ispan məşqçi vurğulayıb.