“A” seriyasının ən yüksəködənişli futbolçusu bəlli oldu

İtaliya “A” seriyasının ən yüksəködənişli futbolçusu bəlli olub. Futbolxeber.az-ın məlumatına görə, İtalya birinciliyində hamıdan çox Daniele De Rossi qazanır. “Roma”nın 31 yaşlı futbolçusunun illik qazancı 6,5 milyon avrodur. İkinci pillədə 5,5 milyonla “Napoli”nin hücumçusu Qonsalo İquain qərarlaşıb. “Yuventus”dan Karlos Tevez isə 4,5 milyonla ilk “üçlüy”ü qapayır. “Fiorentina”lı Mario Qomesin qazancı ildə 4,25 milyon təşkil edir. “Yuventus”dan Canluici Buffon və Arturo Vidal, “Milan”dan isə Fernando Torres və Filipp Meksesin illik qazancı 4 milyon avrodur.

Qeyd edək ki, “A” seriyasında ən az qazanan futbolçu “Sassuolo”nun hücumçusu Ettore Qliotsidir. 18 yaşlı forvardın illik qazancı cəmi 20 min avrodur.