Ronaldo gələn yay “Mançester Yunayted”ə qayıda bilər

Portuqaliya millisinin və “Real”ın ulduzu Kriştianu Ronaldo gələn yay sabiq klubu “Mançester Yunayted”ə qayıda bilər.  Futbolxeber.az-ın məlumatına görə, belə bir iddia ilə “Daily Mail” çıxış edib. Britaniyalı həmkarlarımızın yazdığına inansaq, Ronaldonun əvəzinə Radamel Falkao Madridə üz tutacaq. Bu işi isə tanınmış menecer Jorje Mendeş reallaşdaracaq. Falkaonun “Mançester Yunayted”ə gəlişini həyata keçirən Mendeş, bu keçiddən 5 milyon avro qazanc götürüb.

Qeyd edək ki, Ronaldo özü bu günlərdə verdiyi açıqlamada qarşıdakı illərdə yenidən “Mançester Yunayted”ə qayıtmaq istədiyini bəyan etmişdi.