Falkao: “Mançester Yunayted” dünyanın ən yaxşı 3 klubundan biridir”

Radamel Falkao Kolumbiya millisinin heyətində Braziliyaya qarşı keçirdikləri oyun barədə danışıb. Futbolxeber.az-ın məlumatına görə, təcrübəli forvard həyəcanlı olduğunu gizlətməyib: “Meydana çıxarkən həyəcanlı idim. Millinin heyətində debüt etdiyim oyunda olduğu kimi. Hesab edirəm ki, “Mançester Yunayted”in heyətində ilk oyunuma çıxanda da eyni hissləri keçirəcəyəm”.

Falkao yeni klubu haqda da fikirlərini bölüşüb: “Fiziki cəhətdən tam hazıram. Meydanda mübarizə aparmağım üçün heç bir maneə yoxdur. Ümid edirəm ki, “Mançester Yunayted”in heyətində xeyli qol vuracağam. Bu, çıxış etdiyim klubdan asılı olmayaraq, daim gördüyüm işdir. “Mançester Yunayted” hər zaman mənə maraqlı olub. Çünki “Qırmızı şeytanlar” dünyanın ən yaxşı 3 klubundan biridir”.