“Qarabağ”a gələcəyi deyilən futbolçu karyerasına başladığı klubda

Son günlər adı “Qarabağ”la yanaşı hallanan Floran Maludanın yeni klub axtarışları davam edir. Futbolxeber.az-ın məlumatına görə, hazırda vətənində olan futbolçu, “Şatoru” ilə birgə məşq edir. Bu klub Maludaya yad deyil. Belə ki, o karyerasını məhz burada başlayıb. Amma təcrübəli futbolçunun 1996-2000-ci illərdə olduğu “Şatoru”nun formasını geyib-geyməyəcəyi bəlli deyil.

Xatırladaq ki, son olaraq “Trabzonspor”da forma geyən Maluda yeni baş məşqçi Vahid Halilhodciçlə yola getmədiyindən Qaradəniz təmsilçisini tərk edib.