Venger: “Podolski “Arsenal”da qalır”

“Arsenal”ın baş məşqçisi Arsen Venger Lukas Podolskinin klubu tərk edəcəyi haqda yayılan xəbərlərə münasibət bildirib. Futbolxeber.az-ın məlumatına görə, fransız mütəxəssis yayılan xəbərləri təkzib edib: “Podolskinin adı sabah “Beşiktaş”a qarşı keçiriləcək oyunun iştirak ərizəsində olacaq. O, komandada qalır”.  

Xatırladaq ki, daha əvvəl “Yuventus”un Podolski ilə razılığa gəldiyi barədə xəbərlər yayılmışdı. Almaniya millisinin üzvünün xidmətində həmçinin “Roma”, Moskva “Lokomotiv”i və “Nyu-York Siti” də maraqlıdır.