“Beşiktaş”ın hücumçusu: “Maurinyo “Arsenal”a keçməyimə imkar vermədi”

“Beşiktaş”ın hücumçusu Demba Ba “Arsenal”a transferinin baş tutmamasından danışıb. Futbolxeber.az-ın məlumatına görə, Ba keçidinə Joze Maurinyonun imkan vermədiyini bildirib: “Məşhur futbolçuların toplaşdığı klubda çıxış edərkən statistikadan daha çox ad önəm kəsb edir. Mənim də problemim bu idi. Amma yenə də heç nəyə təəssüflənmirəm. Vaxtında “Nyukasl”ı “Çelsi”yə dəyişdiyim üçün çox şadam. Orada çox şey öyrəndim. Daha əvvəl də dediyim kimi, “Arsenal”a da keçə bilərdim. Lakin Maurinyo buna imkan vermədi. O, bildirdi ki əsas rəqiblərdən birinin güclənməsinin əleyhinədir”.