Sabiq “Qəbələ”lilər Premyer Liqada debüt etdilər, Syomin qələbəylə başladı

“Qəbələ”nin sabiq baş məşqçisi Yuri Syominin çalışdırdığı “Mordoviya”, bu gün Rusiya Premyer Liqasında mövsümün ilk turu çərçivəsində səfərdə “Ural”ın qonağı olub. Futbolxeber.az-ın məlumatına görə, matç “Mordoviya”nın 3:2 hesablı qələbəsiylə başa çatıb. Görüşün iştirakçıları arasında Syomindən əlavə daha 2 sabiq “Qəbələ”li də olub. Meydana start heyətində çıxan Lorenso Ebesilionu 59-cu dəqiqədə elə köhnə və yeni komanda yoldaşı İbrahima Niasse əvəzləyib.

Qeyd edək ki, ikinci turda “Mordoviya” öz meydanında son çempion ÇSKA-nı sınağa çəkəcək.