“Atletiko”nun prezidenti: “Mandjukiç Avropanın ən yaxşı mərkəz hücumçusudur”

“Atletiko”nun prezidentiu Enrike Sereso komandasının yeni transferi Mario Mandjukiç haqda danışıb. Futbolxeber.az-ın məlumatına görə, Sereso xorvat forvardın Dieqo Kosta ilə müqayisə olunmasının tərəfdarı deyil: “Kosta ilə Mandjukiçi müqayisə etmək düzgün olmazdı. Çünki onlar fərqli tərzdə oynayan futbolçulardı. Kosta əla futbolçudur. Amma biz Mandjukiçi komandamızda görməyi çox istəyirdik. Əminəm ki, o, “Atletiko”nun oyun tərzinə qısa zamanda uyğunlaşacaq. Mario özü də “Atletiko”da oynamaq istəyirdi. Mənim üçün o, Avropanın ən güclü mərkəz hücumçusudur”.