“Qalatasaray”: 2 məşqçiylə razılıq əldə edilməsə, yeni baş məşqçi Dənizli olacaq

Roberto Mançini ilə yollarını ayıran “Qalatasaray”ın baş məşqçi axtarışları davam edir. Futbolxeber.az-ın məlumatına görə, bu günə kimi 7 əcnəbi mütəxəssislə danışıqlar aparan “Qalatasaray” rəhbərliyi, hələ də seçimini etməyib. Türkiyə mətbuatının iddiasına görə, hazırda “Qalatasaray”ın gündəmində 2 əcnəbi mütəxəssis var. Adları açıqlanmayan həmin məşqçilərlə də razılıq əldə olunmasa, klub prezidenti Ünal Aysal “Qalatasaray”ı Mustafa Dənizliyə tapşıracaq. Aysal hələ qışda Dənizlini idman direktoru postuna dəvət etsə də. Həmin vaxt təcrübəli mütəxəssis “Xəzər Lənkəran”ı çalışdırırdı. Bu səbəbdən də Aysalın istəyi baş tutmamışdı. Bu dəfə isə o, Dənizlini baş məşqçi postuna dəvət edə bilər.