“Mançester Yunayted” ispan futbolçuyla 4 illik müqavilə imzaladı

“Mançester Yunayted” klubu növbəti transferini reallaşdırıb. Futbolxeber.az-ın məlumatına görə, “Qırmızı şeytanlar” “Atletik”in yarımmüdafiəçisi Ander Erreranı heyətinə qatıb. Bu keçidə görə “Mançester Yunayted” Bilbao klubuna 36 milyon avro ödəyəcək. 4 illik müqaviləyə imza atan futbolçunun yeni iş yerindəki illik qazancı 3 milyon avro olacaq. Errera artıq Mançesterdədir. “Mançester Yunayted”in Erreranın keçidini bu gün ictimaiyyətə açıqlayacağı gözlənilir.

Xatırladaq ki, 24 yaşlı futbolçuyla “Barselona” da yaxından maraqlanır.