Hocson: “Lempardın millidə qalmsını istəyirəm”

İngiltərə millisinin baş məşqçisi Roy Hocson Frenk Lempardın yığmadan gedişinin əleyhinədir. Futbolxeber.az-ın məlumatına görə, Hocson bu barədə deyib: “Bəli, Frenkin 36 yaşı var və biz onun karyerasını hansı klubda davam etdirəcəyini bilmirik. Amma mən onun millidə qalmasını istəyirəm. Əgər, bu baş verərsə, çox sevinərəm. Lempard daim millidə böyük həvəslə oynayıb. Hətta başqalarından az oynamaq şansı qazananda belə ruhdan düşməyib. Dünya çempionatındakı çıxışımızdan çox məyusuq. Lakin Kosta-Rika ilə oyuna çox ciddi yanaşırıq”.

Xatırladaq ki, Kosta-Rika ilə oyuna İngiltərəni kapitan qismində meydana məhz Lempard çıxaracaq.