Prandelli: “İtaliya meydana 1 xal üçün çıxan komandalardan deyil”

“Futbolçularıma da dedim, onlar özlərinə inanmalıdırlar. Biz oyuna çox ciddi hazırlaşmışıq və yalnız qələbə haqda düşünürük. Lazımı nəticəni qazanmaq istəyiriksə, başqa variant haqda fikirləşə bilmərik”. Futbolxeber.az-ın məlumatına görə, bu sözləri İtaliya milli komandasının baş məşqçisi Çezare Prandelli deyib.

Uruqvaya qarşı keçiriləcək oyun haqda danışan təcrübəli mütəxəssis, heç-heçə barədə düşünmədiklərini bildirib: “Biz heç-heçəyə oynamağa hazırlaşmırıq. İtaliya meydana 1 xal qazanmaq və bunun üçün əziyyət çəkən komandalardan deyil. Bizi çox gərgin oyun gözləyir - ya davam, ya tamam. Hələ püşkatmdan sonra bilirdim ki, bu qrupda taleyimiz son turda bəlli olacaq. Belə də oldu. Məni qarşıda karyeramdakı ən mühüm oyun gözləyir”.