Kosta-Rika millisinin baş məşqçisi: “Maurinyonun sözlərindən təəccübləndim”

Kosta-Rika millisinin baş məşqçisi Xorxe Luis Pinto “Çelsi”nin çalışdırıcısı Joze Maurinyonun “Kosta-Rikanın ilk oyundakı uğuru İtaliya ilə matçda təkrarlaması real görünmür” açıqlamasına münasibət bildirib. Futbolxeber.az-ın məlumatına görə, o, portuqaliyalı mütəxəssislə qətiyyən razı deyil: “Maurinyonun belə deməsindən çox təəccübləndim. Onun komandası bazar ertəsi və çərşənbə günləri meydana çıxır. Nədir, o bazar günü qazandığı uğuru 3 gün sonra təkrarlaya bilməz? Əlbəttə, təkrarlaya bilər. Biz bilirik ki, İtaliya çox güclü rəqibdir. Amma biz də əminik ki, Uruqvayla oyundakı kimi çıxış edə bilərik. DÇ-2014-dən öncə bəziləri deyirdi ki, Kosta-Rika bu qrupun aşkar autsayderidir və 1 xal belə toplaya bilməyəcək. Digərləri isə İspaniya - Braziliya finalını proqnozlaşdırırdı. Həmin proqnozların axırı nə oldu?”