Balotelli: “Sabah play-offa vəsiqəni rəsmiləşdirmək istəyirik”

“Hazırda bütün diqqətimi dünya çempionatına yönəltmişəm. Necə olacağını zaman göstərəcək. Heç nə proqnozlaşdıra bilmərəm. Kosta-Rika ilə görüşı çox ciddi hazırlaşırıq”. Futbolxeber.az-ın məlumatına görə, bu sözləri İtaliya millisinin aparıcı üzvü Mario Balotelli deyib.

Gənc forvard fərdi titullar barədə düşünmədiyini bildirib: “Rəqibin xeyli oyununa baxmışıq. Rəqib güclüdür. Rəqibə hörmək etməli və gücümüzün 200 faizini meydanda qoymalıyıq. Düzdür, milli komandanın heyətində çox qol vurmaq istəyirəm. Hər bir futbolçu kimi mən də mundialın bombardiri olmağı istəyirəm. Lakin sabahkı oyunda əsas olan komandanın uğurudur. Qələbə qazanmaqla play-offa vəsiqəni rəsmiləşdirmək istəyirik”.

Balotelli bildirib ki, Kosta-Rikanın ilk oyundakı qələbəsi onlar üçün sürpriz olmayıb: “Kosta-Rika Uruqvayı ilk turda məğlub etdi. Biz buna qətiyyən təəccüblənmədik. Çünki onlar zəif deyillər. Ümid edirəm ki, bu mundial təkcə mənim üçün yox, həm də komandam üçün uğurlu alınacaq”.