“A” seriyasına yüksələn üçüncü komandanın adı bəlli oldu

Növbəti mövsümdə İtaliya “A” seriyasında mübarizə aparacaq bütün klubların adları bəlli olub. Futbolxeber.az-ın məlumatına görə, “B” seriyasından “A” seriyasına yüksələn üçüncü komanda adına “Çezena” sahib çıxıb. “B” seriyasında mövsümü dördüncü pillədə tamamlayan “Çezena”, play-offda əvvəlcə “Modena”nı (1:0; 1:1), daha sonra isə “Latina”nı (2:1; 2:1) mübarizədən kənarlaşdırıb.

Qeyd edək ki, “Çezena” “A” seriyasında sonuncu dəfə 2011/12 mövsümündə çıxış edib.