Podolski: “Dünya çempionu olsaq, qələbəni Şumaxerə həsr edəcəyik”

Almaniya millisinin üzvü Lukas Podolski Portuqaliyanı 4:0 hesabı ilə darmadağın etdikləri oyun barədə danışıb. Futbolxeber.az-ın məlumatına görə, “Arsenal”ın üzvü qələbəni dünən komadan ayılan 7 qat dünya çempionu Mixael Şumaxerə həsr etdiklərini deyib: “Şumaxer mənim yaxın dostumdur. Onun komadan ayılması əla xəbərdi. Bizim hər birimiz üçün onun durumunun yaxşılaşdırılması əla xəbərdi. Əlbəttə ki, bu xəbər bizim oyunumuza müsbət mənada təsir göstərdi. Qələbəni də elə ona həsr edirik. Əgər, dünya çempionu olsaq, qələbəni Şumaxerə həsr edəcəyik”.