"Maurinyo işlədiyi hər klubda uğur qazanır və qazanacaq da"

"Çelsi"nin yarımmüdafiəçisi Frenk Lempard "Real"ın baş məşqçisi Joze Maurinyo haqda danışıb. Futbolxeber.az-ın məlumatına görə, ingiltərəli futbolçu sabiq məşqçisini tərifləyib: "Joze sadəcə fantastik məşqçidir. O Çempionlar Liqasının əfsanəsidir. Onun peşəkarlıq keyfiyyətləri haqda heç kim mübahisə edə bilməz. İndidən Maurinyonun Madriddə qalacağını, "Çelsi"yə qayıdacağını və ya başqa bir klubu çalışdıracağını deyə bilmərəm. Amma əminliklə söyləyirəm ki, o işlədiyi hər bir klubda uğur qazanacaq. Əvvəl də belə olub, gələcəkdə də belə olacaq".