“Real” Suarezi transfer etmək üçün Qvardiola ilə danışıqlara başladı

“Real” “Liverpul”un hücumçusu Luis Suarezi bu yay heyətinə qatmaq istəyir. Futbolxeber.az-ın AS-a istinadən verdiyi məlumata görə, Madrid klubu artıq Suarezin meneceri olan Pere Qvardiolayla danışıqlara başlayıb. Qeyd edək ki, Pere hazırda “Bavariya”nı çalışdıran Xosep Qvardiolanın qardaşıdır.

İspan həmkarlarımızın iddiasına görə, “Real” Alvaro Moratonu “Arsenal”a satacağı təqdirdə, Suarezin transfer məsələsini daha da intensivləşdirəcək. Madrid klubu uruqvaylı hücumçuya görə “Liverpul”a 70 milyon avro ödməyə hazırdı.

Xatırladaq ki, “Liverpul” Suarezi 2011-ci ildə 26,5 milyon avroya transfer edib.