“Mançester Yunayted”: ilk namizədlə danışıqlar başlandı

“Mançester Yunayted”in baş məşqçi postuna ilk namizəd müəyyənləşib. Futbolxeber.az-ın məlumatına görə, bu, Lui Van Qaldır. “Mançester Yunayted” rəhbərliyi artıq holland mütəxəssislə danışıqlara başlayıb.

Xatırladaq ki, Van Qal hazırda Hollandiya millisini çalışdırsa da, bir müddət əvvəl o, mundialdan sonra postunu tərk edəcəyini bəyan edib. Bu gün günorta saatlarında isə İngiltərə mətbuatında Van Qalın “Mançester Yunayted”i çalışdırmaq istərdim” başlıqlı açıqlaması yayılıb. Halbuki holland mütəxəssisin mundialdan sonra İngiltərənin digər klubu “Tottenhem”in başına keçəcəyi deyilirdi.

Əlavə edək ki, bu gün istefaya göndərilən Devid Moyesin əvəzinə “Mançester Yunayted”in baş məşqçisi postuna müvəqqəti olaraq Rayan Giqqz təyin edilib.