“Çelsi” mövsümün sonunda 14 futbolçuyla vidalaşacaq

İngiltərənin “Çelsi” klubu cari mövsüm başa çatdıqdan sonra 14 futbolçuyla yollarını ayıracaq. Futbolxeber.az-ın “London Evening Standart”a istinadən verdiyi məlumata görə, “Çelsi” bu yolla maliyyə durumunu stabilləşdirmək istəyir.

“Zadəganlar”ın Fernando Torres, Demba Ba, Samuel Eto`O, Con Obi Milel, Eşli Koul və David Luizlə vidalaşacağı ehtimal edilir. Sonuncu futbolçuyla “Barselona” yaxından maraqlanır. Kataloniya klubu David Luizə görə “Çelsi”yə 30 milyon funt-sterlinq ödəməyə hazırdı.

Adəçəkilən futbolçulardan başqa, hazırda digər klublarda icarə əsasında çıxış edən Romelu Lukaku, Marko Marin, Viktor Mozes, Rayan Bertrand, Qael Kakuta və Coş Makxiranın da “Çelsi”dən birdəfəlik gedəcəyi ehtimal edilir.