Dünya çempionatında Azərbaycanı təmsil edəcək güləşçilər bəlli olub

Xorvatiyanın paytaxtı Zaqrebdə keçiriləcək dünya çempionatında Azərbaycanı təmsil edəcək güləşçilər bəlli olub.

Futbolxeber.az saytının məlumatına görə, mundialda 23 pəhləvan mübarizə aparacaq.

Sərbəst güləşdə İslam Bazarqanov (57 kq), Nürəddin Novruzov (61 kq), Əli Rəhimzadə (65 kq), Kənan Heybətov (70 kq), Turan Bayramov (74 kq), Cəbrayıl Qadjiyev (79 kq), Arseniy Djioyev (86 kq), Osman Nurmaqomedov (92 kq), Maqomedxan Maqomedov (97 kq), Giorgi Meşvildişvili (125 kq) ölkəmizi mötəbər yarışda təmsil edəcəklər. Qadın güləşində Jalə Əliyeva (57 kq), Günay Qurbanova (59 kq) və Birgül Soltanova (62 kq) yarışacaqlar.

Yunan-Roma güləşində xalça üzərinə Eldəniz Əzizli (55 kq), Nihat Məmmədli (61 kq), Murad Məmmədov (63 kq), Həsrət Cəfərov (67 kq), Ülvü Qənizadə (72 kq), Sənan Süleymanov (77 kq), Qurban Qurbanov (82 kq), İslam Abbasov (87 kq), Murad Əhmədiyev (97 kq), Beka Kandelaki (130 kq) çıxacaqlar.

Qeyd edək ki, mundial sentyabrın 13-21-i aralığında baş tutacaq.