Qadın güləşçilərimiz Avropa çempionatında çıxışlarını başa vurublar

Azərbaycan qadın güləşçiləri Şimali Makedoniyanın paytaxtı Skopyedə təşkil olunan U-17 Avropa çempionatında çıxışlarını başa vurublar.

Futbolxeber.az saytının Güləş Federasiyasının mətbuat xidmətinə istinadən verdiyi məlumata görə, dördüncü yarış günündə Nəzrin Əhmədli (46 kq) ilk mərhələdə yunanıstanlı Mariya Qkikanı mübarizədən kənarlaşdırıb - 10:9.

Ancaq həmyerlimiz 1/4 finalda rusiyalı İrina Sıdeyeva ilə bacarmayıb - 0:10.

Fatimə Bayramova (53 kq) təsnifat mərhələsində polşalı Culiya Qibalskaya 2:6 hesabı ilə məğlub olub.

Esra Məmmədli (61 kq) rumuniyalı Oana Dumitruya 8:2 hesabı ilə qalib gəlsə də, 1/8 finalda belaruslu Varvara Aliseyenka ilə gərgin mübarizədən məyus ayrılıb - 3:4.

Fidan Babayeva (65 kq) ilk təsəlliverici görüşdə italiyalı Culiya Karrini 4:0 hesabı ilə üstələsə də, belaruslu Anastasiya Komanavaya uduzub - 0:3.

Milana Bağırzadə (69 kq) isə 1/8 finalda gürcüstanlı Anna Qodelaşviliyə minimal fərqlə (2:3) məğlub olub.