4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Digər idman növləri

Qəbələdə güləş məşqçiləri üçün seminar keçirilib

Qəbələdə güləş məşqçiləri üçün seminar keçirilib.
 
Futbolxeber.az saytına bu barədə Azərbaycan Güləş Federasiyasının (AGF) mətbuat xidmətindən məlumat verilib.
 
Tədbirdə adı çəkilən şəhərdə, o cümlədən Qax, Şəki, Zaqatala, Oğuz və Balakən rayonlarında fəaliyyət göstərən güləş üzrə məşqçi-müəllimlər iştirak ediblər.
 
Seminarın nəzəri hissəsi Heydər Əliyev mərkəzində baş tutub. Şəki-Zaqatala Regional Gənclər və İdman İdarəsinin şöbə müdiri Müşfiq Abbasov çıxış edərək belə seminarların məşqçilərin bilik və bacarıqlarının təkmilləşməsində böyük rol oynadığını qeyd edib.
 
AGF Hakimlər Kollegiyasının sədri Qərib Əliyev federasiyanın həyata keçirdiyi layihələrdən və bəzi güləş qaydalarından danışıb. Qadın güləşi üzrə yeniyetmə və gənclərdən ibarət millinin məşqçisi Həsrət Məmmədyarov və yunan-Roma güləşi üzrə U-17 millinin məşqçisi Elbrus Məmmədov həmkarları ilə öz təcrübələrini bölüşüblər.
 
I-S kateqoriyalı referi Sədi Quliyev mübahisə doğuran epizodlarda qəbul edilmiş qərarları şərh edib. Nəzəri hissədə yerli məşqçilərlə fikir mübadiləsi aparılıb, onların təklifləri dinlənilib.
 
Seminarın praktiki hissəsi isə “Qəbələ” İdman Klubunun güləş zalında keçirilib. H.Məmmədyarov sərbəst, E.Məmmədov isə yunan-Roma güləşi üzrə fəndləri icra ediblər. Onlar güləşdə qadağan olunmuş fəndləri də nümayiş etdiriblər.
 
Qeyd edək ki, güləş məşqçilərinin Ümumrespublika seminarının növbəti mərhələsi sabah Qobustan şəhərində keçiriləcək.







Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30