Qubada gimnastika turniri start götürdü

Futbolxeber.az saytının məlumatına görə, üç gün davam edəcək yarışlarda fərdi proqramlar və qrup hərəkətləri üzrə qaliblər müəyyən olunacaq. 

 

Gimnastlar kiçiklər (2017-2018), balacalar (2014-2016), yeniyetmələr (2012-2013) və gənclər (2009-2011) yaş kateqoriyasında çıxış edirlər. Yarışda 26 klubu təmsil edən 255 idmançi iştirak edir.

 

Açılış mərasimdə Quba Olimpiya İdman Kompleksinin direktoru Cavid Seyidov çıxış edib. O, bu cür yarışların bölgələrdə keçirilməsinin böyük əhəmiyyət kəsb etdiyini bildirib. Həmçinin, Cavid Seyidov Qubanın əvvəllər də gimnastika yarışlarına ev sahibliyi etdiyini diqqətə çatdırıb və qeyd edib ki, bu il Quba Azərbaycanın idman paytaxtı elan edilib və buna görə də burada müxtəlif idman növləri üzrə yarışlar keçirilir. C. Seyidov ölkə rəhbərliyinin idmana olan diqqət və qayğısını xüsusi vurğulayıb.