25 Aprel 2024, Cümə axşamı
Zubir Liqa 1 klubunun hədəfində
U-17 millimiz Belarusa məğlub oldu
Boksçumuz ermənini məğlub etdi
Şahin Diniyevdən qələbə şərhi

Digər idman növləri

Azərbaycan Boks Federasiyasına yeni vitse-prezident seçilib

Azərbaycan Boks Federasiyasının (ABF) ümumi yığıncağı keçirilib.

Futbolxeber.az saytına ABF-dən verilən məlumata görə, toplantıda gənclər və idman naziri Fərid Qayıbov və ABF-nin prezidenti Sahil Babayev iştirak ediblər.

Sahil Babayev Prezident İlham Əliyevin xüsusi diqqət və qayğısı nəticəsində Azərbaycan idmanının böyük qələbələrə imza atdığını vurğulayıb. O, boksçularımızın da daim yeni nailiyyətlər əldə etmək, xüsusilə beynəlxalq yarışlarda ölkəmizi uğurla təmsil etmək əzmində olduğunu vurğulayıb, əldə olunan nailiyyətləri diqqətə çatdırıb.

Gənclər və idman naziri Fərid Qayıbov Azərbaycan boksunun uğurlar seriyasının yüksələn xətlə davam etdiyini vurğulayıb. O, boksumuzun maddi-texniki bazasının möhkəmləndirilməsinin, boks klublarının sayının artmasının, bölgələrdə bu idman növünün geniş yayılması üçün aparılan işlərin önəmini qeyd edib. Paris-2024 Yay Olimpiya Oyunlarında da boksçularımızın parlaq qələbələrə imza atacaqlarına və bu yarışda iştirak üçün lisenziyaların sayının artacağına əminliyini bildirib.

ABF-nin Nizamnaməsi yeni redaksiyada təsdiq edilib. Həmçinin səsvermə əsasında Vasif Sultan oğlu İsmayılov Federasiyanın yeni vitse-prezidenti seçilib. 1972-ci ildə doğulan V.İsmayılov iş adamı kimi və uzun illər diaspora sahəsində fəaliyyət göstərir.

İclasda 2023-cü ilin yekunları, federasiyanın maddi-texniki bazasının möhkəmləndirilməsi tədbirləri, hakimlərin fəaliyyəti ilə bağlı hesabatlar dinlənilib.

Qeyd olunub ki, Azərbaycan boksçuları 2022-ci ildə rəsmi və beynəlxalq yarışlarda 30 qızıl medal qazanıbsa, ötən il 35 dəfə fəxri kürsünün ən yüksək pilləsinə qalxıblar. Yeniyetmə boksçularımızın uğurları da artıb. Onlar ötən il 7 beynəlxalq yarışda 60 mükafat qazanıblar. Avropa birinciliyinə qatılan məktəbli boksçuların nailiyyətləri də əlavə olunmaqla, medal sayı 64 olub.

Ötən il Azərbaycan boksu üçün uğurlu olub. Boksçularımız rəsmi və beynəlxalq yarışlarda 2022-ci ildə 77 medal qazanıblarsa, 2023-cü ildə bundan 2,3 dəfə çox olmaqla 179 medal əldə ediblər.

Beləliklə, boks üzrə yeniyetmələrdən ibarət yığma 2022-ci illə müqayisədə ötən il 3,3 dəfə çox medal əldə edib. Gənc boksçularımızın medal sayı isə 3,2 dəfə artaraq əvvəlki ilə nisbətən 16-dan 2023-cü ildə 51-ə yüksəlib.

Bu il 100 illik yubileyini qeyd edən Azərbaycan boksu üçün əsas hədəf “Olimpiya qızılına doğru” devizi ilə yollanacağı Paris-2024 Yay Olimpiya Oyunlarında qızıl medal əldə etməkdir.

İclasda boksumuzun yeni qələbələr əldə etməsi üçün görülən işlər və qarşıda duran hədəflər müzakirə olunub.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30