Alkaras Uimbldondakı qələbəsi barədə: “Həyatımın arzusu!”

İspaniyalı tennisçi Karlos Alkaras Uimbldonun finalında Novak Cokoviçi məğlub edib - 3:2 (1:6, 7:6 (8:6), 6:1, 3:6, 6:4).

Futbolxeber.az saytının məlumatına görə, 20 yaşlı tennisçi möhtəşəm qələbəsini belə şərh edib:

“Həyatımın arzusu! Hər zaman inanmaq lazımdı. Mənim cəmi 20 yaşım var. Hər şey çox sürətli baş verir. Lakin mən hər gün necə çalışmağımla qürur duyuram. Mənə dəstək olan hər kəsə bütün qəlbimlə minnətdaram”.

Qeyd edək ki, Alkaras son 20 ildə Uimbldonun “Böyük dördlük”dən olmayan ilk qalibidi. Bundan başqa, o, son illər həm “US Open”də, həm də Uimbldonda çempionluq sevinci yaşayan ən gənc tennisçidi.