DÇ: Bir boksçumuz finalda, digəri bürünc medala sahib çıxdı

Azərbaycan millisinin boksçusu Alfonso Dominges Özbəkistanın paytaxtı Daşkənddə keçirilən dünya çempionatında finala yüksəlib.

Futbolxeber.az saytının məlumatına görə, 86 kq çəki dərəcəsində rinqə çıxan olimpiya mükafatçısı yarımfinalda Georgi Kuşitaşvili (Gürcüstan) ilə qarşılaşıb.

O, hər 3 raundu xeyrinə bitirib. Dominges yekunda rəqibini 5:0 (29:28, 29:28, 30:27, 30:27, 30:27) hesabı ilə məğlub edib. Dünya çempionu final döyüşünə mayın 14-də çıxacaq.

92 kq-dan yuxarı çəkidə mübarizə aparan digər təmsilçimiz Məhəmməd Abdullayev finala gedən yolda Fernando Lopes Arzola ilə üz-üzə gəlib. Rəqib qələbə qazandığından Abdullayev mundialı bürünc medalla başa vurub. Bu, onun böyüklər arasında ardıcıl eyni əyarlı ikinci mükafatı olub.