Tokio-2020-də medal sıralaması: Yaponiya zirvədə, Çin ikinci pilləyə yüksəldi

Tokio-2020 Yay Olimpiya Oyunları davam edir.

Futbolxeber.az saytının məlumatına görə, bu gün daha 23 dəst medalın sahibi müəyyənləşib.

Medal sıralamasında meydan sahiblərinin liderliyi davam edir. Yaponiya 13 qızıl, 4 gümüş, 5 bürünc medalla zirvədədir. Medalların əyarına görə lider olan meydan sahibləri hələlik olimpiadada qazanılan medal sayına görə dördüncüdürlər.

Qızıl medallarının sayını 12-ə çatdıran Çin sıralamada ikinci pilləyə yüksəlib.

İlk “üçlüy”ü isə ABŞ qapayır. Medalların əyarına görə üçüncü olan amerikalılar say baxımından rəqiblərindən öndədirlər.

Medal sıralamasında ilk “onluq” aşağıdakı kimidir:

1. Yaponiya - 13 qızıl - 4 gümüş - 5 bürünc (ümumilikdə 22 medal)

2. Çin - 12 - 6 - 9 (27)

3. ABŞ - 11 - 11 - 9 (31)

4. Rusiya - 7 - 10 - 6 (23)

5. Avstraliya - 6 - 1 - 9 (16)

6. Böyük Britaniya - 5 - 6 -5 (16)

7. Cənubi Koreya - 4 - 2 - 5 (11)

8. Almaniya - 3 - 2 - 5 (10)

9. Fransa - 3 - 2 - 3 (8)

10. Niderland - 2 - 6 - 3 (11)

Qeyd edək ki, hazırda olimpiadada 62 ölkə medal qazanıb.