Teymur Rəcəbov III yeri tutdu

“Champions Chess Tour” çərçivəsində keçirilən “Opera Euro Rapid” turnirinə yekun vurulub.

Futbolxeber.az saytının məlumatına görə, Azərbaycan şahmatçısı Teymur Rəcəbov 3-cü yer uğrunda görüşdə fransalı Maksim Vaşye-Laqravla ikinci sınağına çıxıb.

Bu rəqiblə ilk oyun günündə 2,5:1,5 hesablı üstünlüklə ayrılan Rəcəbov bu gün ilk iki partiyasını da qələbə ilə başa vurub. Nəticədə ikinci oyun günündə ən azı 2:2 hesablı heç-heçəni təmin edən azərbaycanlı qrossmeyster iki günün yekununda üstün tərəf kimi cütün qalibi olub.

Qeyd edək ki, "Opera Euro Rapid"in ümumi mükafat fondu 100 000 ABŞ dollarıdır. Qalib 30 000 dollar qazanacaq.

Əlavə edək ki, Teymur Rəcəbov Çempionlar Turunun 2-ci mərhələsinin qalibi olmuşdu.