Ramil Quliyev: "Qarabağ Azərbaycandır"

"Biz azərbaycanlılar 30 ildir ki, torpaqlarımızın geri qaytarılması həsrəti ilə yaşayırıq. İndi isə ən təbii özünümüdafiə haqqımızdan istifadə edərək torpaqlarımızı işğaldan azad etməliyik".

Futbolxeber.az saytının məlumatına görə, bu fikirləri Türkiyə millisinin heyətində dünya və Avropa çempionu olan atlet Ramil Quliyev cəbhə bölgəsində baş verənlərlə bağlı danışarkən deyib.

30 yaşlı idmançı bildirib ki, bu, haqq mübarizəsidir: "Bu yol haqq yoludur. İnanıram ki, yolun sonunda ölkəmiz zəfər qazanacaq. Qarabağ bizimdir, Qarabağ Azərbaycandır. Bir bədəndə iki can, yaşasın Türkiyə - Azərbaycan".