Şəhriyar Karuanadan geri qaldı

Berlində şahmat tacına iddiaçılar turnirində bu gün sonuncu - 14-cü turun görüşləri keçirilib.

Futbolxeber.az saytının məlumatına görə, azərbaycanlı qrossmeyster Şəhriyar Məmmədyarov rusiyalı Vladimir Kramniklə qarşılaşıb. Qara fiqurlarla oynayan təmsilçimiz rəqibi ilə heç heçə edib.

Bunadək lider olan Fabiano Karuana isə Aleksandr Qrişuka qalib gəlməklə turnirin qalibi olub.

Vladimir Kramnik (2800, Rusiya) - Şəhriyar Məmmədyarov (2809, Azərbaycan) - 0,5:0,5

Levon Aronyan (2794, Ermənistan) - Uesli So (2799, ABŞ) - 0,5:0,5

Sergey Karyakin (2763, Rusiya) - Liren Dinq (2769, Çin) - 0,5:0,5

Aleksandr Qrişuk (2767, Rusiya) - Fabiano Karuana (2784, ABŞ) - 0:1

Turnir cədvəli: Karuana - 9 xal, Məmmədyarov, Karyakin - 8; Dinq - 7, Qrişuk - 6,5; Kramnik, So - 6, Aronyan - 4.5