“Bakı-2015”: 3 boksçumuzun 1/8 finaldakı rəqibi müəyyənləşdi

Bakı-2015 I Avropa Oyunlarında boks yarışlarına start verilib. Futbolxeber.az-ın məlumatına görə, ilk gündə 1/16 final mərhələsinin görüşləri keçirilib. Baş tutan döyüşlərdən sonra 3 boksçumuzun 1/8 finaldakı rəqibi müəyyənləşib. 52 kq çəki dərəcəsində mübarizə aparan Elvin Məmişzadə 1/8 finalda irlandiyalı boksçu Myles Caseylə görüşəcək. İrlandiya idmançı ilk döyüşündə belaruslu rəqibini məğlub edib.

60 kq-da yarışan Albert Səlimov isə Gürcüstanı təmsil edən Orat Eronasyanla üz-üzə gələcək. Eronasyan ilk mərhələdə latviyalı boksçudan üstün olub.

91 kq-da mübarizə aparan Abdukadir Abdullayev isə Macarıstan idmançısı Adam Hamori ilə görüşəcək. Macar boksçu 1/8 finala adlamaq üçün slovakiyalı rəqibindən üstün olub.