Erməni güləşçi: "Azərbaycanlılara təşəkkür edirəm"

Erməni güləşçi Miqran Arutyunyan (66kq) "Bakı-2015"in finalında rus güləşçi Artyom Surkova məğlubiyyətdən sonra təəssüratlarını bölüşüb. “Sportbox”un məlumatına görə, güləşçi bildirib ki, final oyunu ağır keçib: "Mən psixoloji olaraq final qarşılaşmasına hazır idim. Ancaq final döyüşü mənim üçün ən ağır döyüş olmadı. Ən ağır döyüşüm azərbaycanlı Həsən Əliyev və serb Maksimoviçə qarşı olan döyüşlər idi. Onların hər ikisi çox güclü döyüşçülərdir".

Erməni idmançı bildirib ki, "Bakı-2015" haqda təəssüratları çox yaxşıdır: “Buraya mənə böyük etiraz olacağını bilə-bilə gəldim. Bundan başqa mənə çox yaxşı münasibət göstərən azərbaycanlılar var. Onlara təşəkkür edirəm”.

Qeyd edək ki, Miqran Arutyunyan "Bakı-2015"də gümüş medal qazanıb.

Mənbə: qol.az