Erməniyə qalib gələn rus güləşçi: “Ömrüm boyu bu cür azarkeş dəstəyi görməmişdim”

Yunan-Roma güləşi üzrə 66 kq çəki dərəcəsində I Avropa Oyunlarının qızıl medalını qazanan rusiyalı güləşçi Artem Surkov final görüşü haqqında fikirlərini yerli mətbuata bildirib. Futbolxeber.az-ın məlumatına görə, rus pəhləvan Bakıda bu vaxta qədər görmədiyi azarkeş dəstəyi ilə qarşılaşdığını deyib: “Bakıya qələbə qazanmaq ümidi ilə getmişdim. Çox məmnunam ki, tapşırığı yerinə yetirə bildim. Final oyunu haqqında xüsusi danışmaq istəyirəm. Ömrüm boyu bu cür azarkeş dəstəyi görməmişdim. Bakılı azarkeşlər məni inanılmaz dərəcədə dəstəklədilər. Qələbəmdə onların da payı var”.

Xatırladaq ki, Artem Surkov finalda erməni güləşçi Miqran Arutyunyan üzərində qələbə qazanaraq qızıl medal əldə edib (apasport.az).