“Teymur Rəcəbovla oyunda üstünlüyümü saxlaya bilmədim”

Özbəkistan şahmatçısı Rüstəm Kasımcanov Bakıda keçirilən FİDE Qran-Prisinin ikinci turunda Teymur Rəcəbovla heç-heçə oynaması haqda danışıb. Futbolxeber.az-ın məlumatına görə, təcrübəli qrossmeyster üstünlüyünü qoruya bilməməsini belə izah edib: "Debütün açılışında üstünlük qazandım. Onu saxlaya bilmədim. Ardıcıl gedişlərdən sonra səhvə yol verdiyimi anladım. Təəssüf ki, artıq gec idi. Teymur bundan yararlandı və partiya tam dəyişdi. Sonradan artıq dəyişiklik etmək çətin idi. Heç-heçəyə doğru getdik və sonda hər iki tərəf bununla razılaşdı”.