AFFA-nın təşkilatçılığı ilə qocalar evində bayram tədbiri keçirilib

AFFA-nın təşkilatçılığı ilə Bilgəh qəsəbəsində yerləşən qocalar evində qarşıdan gələn “Dünya Azərbaycanlılarının Həmrəyliyi Günü” və “Yeni il” ilə əlaqədar bayram tədbiri keçirilib. 

Futbolxeber.az saytının məlumatına görə, tədbirdə çıxış edən AFFA-nın Texniki direktoru Cahangir Həsənzadə, Şamaxı Regional Futbol məktəbinin koordinatoru Vəli Qasımov, Kütləvi Futbol Departamentinin rəhbəri Fərrux İsmayılov, Futbolun Sosial Məsuliyyəti üzrə menecer Kifayət Mustafayeva, eləcə də Müharibə və Əmək Əlilləri üçün Pansionatın direktoru Samirə Mehdiyeva mərkəzdə məskunlaşan qocaları salamlayıb, onları qarşıdan gələn bayramlar münasibətilə təbrik ediblər. 

Daha sonra AFFA tərəfindən onlara müxtəlif hədiyyələr təqdim olunub. 

Qeyd edək ki, sözügedən mərkəzdə artıq 5 aya yaxındır ki, AFFA tərəfindən təyin olunmuş məşqçinin iştirakı ilə həftədə 2 dəfə olmaqla futbol dərsləri (“Gəzinti Futbolu” layihəsi) keçirilir.