Bu dəfə Di Mariya məhkəmə qarşısında

İspaniya höküməti daha bir məşhur futbolçunu vergidən yayınmaqda ittiham edir. Futbolxeber.az-ın məlumatına görə, bu, argentinalı yarımmüdafiəçi Anxel Di Mariyadır.

 

29 yaşlı futbolçunun “Real”da oynadığı dönəmdə vergidən yayındığı üzə çıxıb. O, 2012-2013-cü ildə 1 milyon 298 min 989 avro vergidən yayıdığını etiraf edib. Məhkəmə ona 2 milyon avro məbləğində cərimə və 1 il həbs cəzası verib. Lakin cəza müddəti 2 ildən az olması və keçmişdə cinayət törətmədiyi nəzərə alınaraq, argentinalı həbsdə qalmayacaq. Cərimənin isə qısa zamanda ödənəcəyi bildirilir.

 

Qeyd edək ki, hazırda eyni maddə üzrə Kriştiano Ronaldo, Radamel Falkao, Rikardo Karvalyo, Fabio Koentrao və Joze Mourinyo haqında açılan cinayət işlərinin istintaqı davam etdirilir.