AFFA-dan Media Komitəsi ilə bağlı qalmaqala reaksiya

AFFA Futbolxeber.az saytının əməkdaşı Fərəc Aslanovun qeyri-qanuni şəkildə Media Komitəsinin İdarə Heyətinə seçkilərdə iştirakına imkan verilməməsinə münasibət bildirib.

Qurumun İnformasiya və İctimaiyyətlə Əlaqələr Departamentinin rəhbəri Mikayıl Nərimanoğlu bununla bağlı Futbolxeber.az saytına açıqlamasında qısaca olaraq deyib:

“Hər şeydən xəbərimiz var. Məsələ qanun çərçivəsində həllini tapacaq”.

Xatırladaq ki, saytımızın əməkdaşı Fərəc Aslanov Media Komitəsinin İdarə Heyətinə seçkilərdə iştirak üçün namizədliyini irəli sürüb. Lakin İdarə Heyəti gülünc bəhanə gətirməklə onun diplomu olmadığından seçkilərdə iştirakına icazə verməyib.

Bir daha xatırladırıq ki, İdarə Heyətində yer almaq üçün diplomun tələb edilməsi ilə bağlı komitənin əsasnaməsində hər hansı bənd yoxdur. Bundan əvvəlki seçkilərdə heç bir namizəddən diplom tələb edilməyib. Üstəlik, hazırda İdarə Heyətində yer alanların heç də hamısının diplomu yoxdur.

Bu qanunsuzluqla barışmır, sona qədər haqqımızı tələb edəcəyik.