Modriç saxlanıldı: 5 il həbs…

İspaniyanın "Real” klubunun ulduz futbolçusu Luka Modriçin başı dərddədir. Futbolxeber.az-ın məlumatına görə, polislər 31 yaşlı yarımmüdafiəçini saxlayıb.

 

Xorvatiyalı futbolçu yalançı şahidlik etməkdə ittiham olunur və barəsində cinayət işi açılıb. O, “Dinamo”nun (Zaqreb) prezidenti Zdravko Mamiç və onun qardaşı Zoran Mamiçin transferlərdən əldə edilən 15 milyon avronu ələ keçirməsi haqqında aparılan məhkəmə prosesində şahid kimi ifadə verib.Bundan başqa, Mamiç qardaşlarının 1,6 milyon avro məbləğində vergi borcunun olduğu da bildirilir.

 

Məhkəmədə Modriçin yalan ifadə verdiyi sübut edilərsə, onu 5 il həbs cəzası gözləyir.

 

Qeyd edək ki, Modriç 2008-ci ildə “Dinamo”dan “Totenhem”ə (İngiltərə) transfer olmuşdu. O, 2012-ci ildən “Real”da çıxış edir.